Беларускі Ляўша стварае мініяцюрныя фігуркі з дрэва

2 марта 2020
Драўляныя скульптуры памерам з запалкавую галоўку. Разьбяр па дрэве з Ваўкавыскага раёна стварае незвычайныя мініяцюры. Каб разгледзець некаторыя работы, трэба як мінімум  павелічальнае шкло. Толькі тады можна ўбачыць  выраз твару фігуркі і нават  кожную складку на адзенні. Працуюць з такім матэрыялам  мініяцюрнымі разцамі. Некаторыя з іх больш тонкія, чым звычайная іголка. У прафесійным асяроддзі разьбяра-мінімаліста ўжо называюць  беларускім Ляўшой.

Сёння ў калекцыі майстра некалькі тысяч работ:  ад міліметровых да настольных скульптур. Праўда, і ў такіх работах заўсёды прысутнічаюць элементы мініяцюры.