Тры капсульныя калекцыі, зробленыя выключна з ільняной тканіны, беларускія дызайнеры прадэманстравалі на паказе ў Мінску. Яго ўжо высока ацанілі модныя крытыкі....
Ці навучыліся мы ўтаймоўваць лён, за што экатканіну цэняць у Германіі і ЗША, і хто з простага матэрыялу робіць мадэлі "прэт-а-партэ"? Доўгі шлях ільну прасачыла Надзея Сербіненка.
Беларусь - краіна з багатым досведам вырошчвання льну. Апрацоўваць "паўночны шоўк" у прамысловых маштабах пачалі ў Оршы яшчэ ў трыццатых гадах мінулага стагоддзя. І сёння лён стаў сапраўды стратэгічным і іміджавым матэрыялам. Сінія кветкі льну апраўляюць герб нашай краіны.
А льняныя вырабы - як беларускі сувенір - дораць толькі самым дарагім гасцям. Прэзідэнт Беларусі Аляксандр Лукашэнка не раз выбіраў у якасці сімвалічнага прэзента менавіта лён. У Каракас габелен з малюнкам Мірскага замка і льняны касцюм з габеленам павезла і пара Мадура.
Раскрыць новыя грані льну дапамагаюць дызайнеры. Мадэльеры Беларускага цэнтра моды апошнія некалькі месяцаў рыхтаваліся да незвычайнага паказу. Усе модныя "лукі" яны адшывалі выключна з ільняной тканіны. Але з дызайнерскім аздабленнем - гэта геаметрычныя формы, яркія прынты, габелен ручной працы.
Аўтар адной з трох калекцый - Антон Ярошчык - падкрэсліў сучаснасць ільну, але не выпусціў аўтэнтычнасць тканіны. Пад святлом сафітаў наш лён, здаецца, адчувае сябе цалкам упэўнена.
Ільняная тканіна перастала быць выключна летнім матэрыялам. З натуральнага палатна шыюць паліто, дзелавыя касцюмы і нават джынсы. Якія ахвотна купляюць і за мяжой.
Мы ўбачылі, які доўгі цярністы шлях лён праробіць ад трасты да паліц магазінаў. Ён як сапраўдны кароль палёў можа сабе гэта дазволіць - быць прыгожым і ў той жа час трохі капрызным.
