Чатыры навучальна-баявыя машыны заступілі на дзяжурства ў размяшчэнне 116-ай гвардзейскай штурмавой авіябазы ў Лідзе. На сённяшні дзень ЯК-130 з'яўляецца адзіным у свеце самалётам з характарыстыкамі так званага "дагукавога палёту", які пры гэтым здольны супернічаць з рэактыўнымі знішчальнікамі. Дарэчы, самалёт здольны несці на сабе 3 тоны баявой нагрузкі.
На першым палёце ў беларускім небе пабываў наш карэспандэнт Дзмітрый Смірноў.
Пры ўсёй сваёй манеўранасці і адносна "сціплых" габарытах у параўнанні з рэактыўнымі знішчальнікамі ЯК-130 усё ж ідэальны самалёт. І ў першую чаргу з пункта погляду навучання. Лётчыкі-выпрабавальнікі неаднаразова адзначалі яго эфектыўнасць для падрыхтоўкі будучых ваенных пілотаў.
Сяргей Міхайлюк, лётчык-выпрабавальнік іркуцкага авіяцыйнага завода: "Асноўная ідэя, якая была закладзена, - гэта падрыхтоўка лётнага саставу на гэтым самалёце і лёгкая адаптацыя да самалётаў сямейства МіГ і СУ. Магчымасці выконваць палёты на вялікіх вуглах атакі, у шырокім дыяпазоне хуткасцяў".
Зараз беларускія пілоты з 116-ай штурмавой авіябазы Ліды завяршаюць навучанне ў Расіі - у Цэнтры падрыхтоўкі авіяцыйнага персанала ў Жукоўскім.
Нягледзячы на тое, што ЯК-130 знаходзіцца ў класе "дагукавых" самалётаў, пілоты, якія прайшлі на ім навучанне, без праблем змогуць кіраваць і рэактыўнымі знішчальнікамі.
Асаблівае праграмнае забеспячэнне і лічбавы экран дазваляюць наладжваць неабходныя характарыстыкі пілатавання.
Алег Дземчанка, генеральны дырэктар ААТ "ДКБ імя А.С. Якаўлева": "Гэта навучальна-баявы самалёт. Ён нясе 3 тоны нагрузкі. Пасля гэтага самалёта можна лятаць на ўсіх самалётах свету, якія існуюць".
ЯК-130, роўна як і закуплены некалькі гадоў таму зенітна-ракетны комплекс ТОР 2М, - частка вялікай міждзяржаўнай праграмы пераўзбраення беларускай арміі. Аднак гэты праект уключае не толькі ваенныя закупкі, але і развіццё кааперацыі абаронна-прамысловых комплексаў Беларусі і Расіі. На думку экспертаў, такое супрацоўніцтва выключна эфектыўна.
Алег Двігалёў, камандуючы ваенна-паветранымі сіламі і войскамі проціпаветранай абароны ўзброеных сіл Беларусі: "Той патэнцыял, які закладзены ў ЯК-130, дазволіць нам перавучыць лётны састаў 116 авіябазы і рыхтаваць выпускнікоў ваеннай акадэміі авіяцыйнага факультэта на новыя тыпы паветраных судоў".
Такім чынам, навучанне і перападрыхтоўка пілотаў толькі на адным ЯК-130 дазволіць беларускім ВПС перакрыць навучанне лётнага саставу на ўсіх самалётах ваеннай авіяцыі ўзброеных сіл краіны.
Андрэй Раўкоў, Міністр абароны Беларусі: "Для відаў войскаў ВПС і СПА гэта выяўляецца ў пераўзбраенні дывізіёна 120-ай зенітна-ракетнай брыгады ў Баранавічах на новы сучасны комплекс ТОР2М, і зараз сёння 116-ая авіяцыйная база - мы атрымалі 4 навучальна-баявыя самалёты ЯК-130, якія маюць найвысокі клас надзейнасці. Яны маюць вельмі шырокую перспектыву ў прымяненні, у тым ліку і як баявыя самалёты".
ЯК-130 сёння знаходзіцца на ўзбраенні ВПС Алжыра, Індыі, Малайзіі і краін Паўднёвай Амерыкі. І як адзначылі ў беларускім ваенным ведамстве, пастаўкі новых самалётаў у нашу краіну будуць працягнуты. Расійскія ЯК-130 заменяць з часам чэшскія Л-39, эксплуатацыя якіх скончыцца ў 2020 годзе.
