Гісторыя даўжынёй 95 гадоў. Сёння прафесійнае свята адзначаюць беларускія войскі сувязі. На дадзены момант айчынныя радысты забяспечваюць сувяззю ўсе ваенныя часці краіны. На вучэннях, якія праходзяць як у Беларусі, так і за яе межамі, нашы сувязісты паказваюць станоўчыя вынікі. Высокі ўзровень адзначылі міжнародныя спецыялісты на пасяджэнні Каардынацыйнага камітэта начальнікаў сувязі ўзброеных сіл краін - удзельніц СНД. Форум прайшоў у Мінску напярэдадні. На нарадзе дэлегаты разгледзелі пытанне аб стварэнні адзінай сістэмы ваеннай сувязі на прасторах СНД і сёння ўжо зразумела, такой інтэграцыі - быць.
Да свята сувязісты атрымалі добрую навіну. Ужо да канца года Узброеныя Сілы Беларусі цалкам абсталююць пераноснымі радыёстанцыямі апошняга пакалення.
