Беларускія вайскоўцы адправіліся на "Армейскія гульні 2019"

19 Ліпеня 2019

Гатовыя перамагаць! Беларускія вайскоўцы сёння адправіліся на "Армейскія гульні 2019"! Дзяржаўны флаг кіраўніку дэлегацыі ўручыў міністр абароны і пажадаў поспеху нашым хлопцам у сумленным спаборніцтве, якое нездарма параўноўваюць з Алімпійскімі гульнямі. Сёлета ўдзел пацвердзілі 30 краін. Этапы пройдуць на тэрыторыях 10 дзяржаў. У Беларусі - два з іх. Гэта "Снайперскі рубеж" і спаборніцтвы спецназа "Палярная зорка". Наша каманда ўдзельнічае ў 18 дысцыплінах. Схватка вызначаецца сур'ёзная - пазмагацца трэба будзе з удзельнікамі з Расіі, Кітая, Індыі, Ірана і іншых краін.

Танкавы біятлон - адна з вядучых дысцыплін у рамках "Армейскіх гульняў". Там прадстаўленыя лепшыя экіпажы ўзброеных сіл Беларусі. Сёлета ў спаборніцтве прымуць удзел 23 краіны. Беларусь прадставяць тры асноўныя каманды і адна запасная. І сёння сакрэтамі манеўравання падзяліліся дзеючыя танкісты - удзельнікі міжнародных спаборніцтваў. Яны тэсціравалі рэжым гульні World of Tanks - "Лінія фронту" кампаніі Wargaming.

Традыцыйна беларуская каманда - адна з нешматлікіх, у складзе якой прафесійнае майстэрства дэманструюць не толькі кантрактнікі, але і вайскоўцы тэрміновай службы. Летась нашы хлопцы занялі чацвёртае агульнакаманднае месца, саступіўшы камандам Расіі, Кітая і Казахстана. Міжнародны форум пройдзе з 3 па 17 жніўня.