Каб абараніць Белавежскую пушчу, беларускія навукоўцы падпісалі петыцыю супраць будаўніцтва агароджы ў векавым лесе. Сёння ў Брэсце прайшоў грамадскі кардынацыйны экалагічны савет - там вырашалі, як перашкодзіць варварству на мяжы. Нагадаем, масіўнае ўмацаванне ўзводзіць Польшча: пяціметровую металічную агароджу даўжынёй 60 кіламетраў падзеліць пушчу на дзве часткі.
Гэта можа прывесці да прыроднай катастрофы, бо пушча стагоддзямі жыла як адзіны арганізм. Размежаванне ўжо прывяло да сумных наступстваў: жывёлы, якія прывыклі свабодна міграваць з польскага на беларускі бок, гінуць ла калючага дрота, таму што не могуць вярнуцца дахаты. Навукоўцы з 24 краін б'юць трывогу: яны перакананыя, што будоўля пагражае не толькі гібеллю птушак і жывёл, але і масіваў старажытнага лесу, які з'яўляецца самым старым у Еўропе.
Петыцыя супраць будаўніцтва агароджы ў Белавежскай пушчы
Аўтары петыцыі - навукоўцы Белавежскай пушчы. Дакумент накіруюць у міжнародныя арганізацыі, сярод іх Савет Еўропы і ААН. Не застацца ўбаку можа кожны: электронныя подпісы супраць будаўніцтва агароджы сёння збіраюць на інтэрнэт-пляцоўцы