Гаварылі аб важнасці захаваць культурную і духоўную спадчыну для будучых пакаленняў. Падчас сумеснага пасяджэння прадстаўнікі ведамстваў абмеркавалі пытанні па ўдасканаленні методык захавання і рэстаўрацыі дакументаў, а таксама магчымыя праблемы і шляхі іх вырашэння. Сёння Нацыянальны архіўны фонд Беларусі складае больш за 13 мільёнаў дакументаў.
На найбліжэйшыя тры гады паміж Дэпартаментам па архівах Беларусі і Федэральным архіўным агенцтвам Расіі падпісаны план сумесных мерапрыемстваў. Ён уключае ўдзел у міжнародных канферэнцыях, семінары, а таксама сумесную выставачную і выдавецкую працу.