Беларускія ратавальнікі дапамагаюць змагацца са стыхіяй у Латвіі

Экіпаж верталёта Мі-8 з 6 байцоў МНС сёння пачаў працу з сямі раніцы. Разам з лётчыкамі з Узброеных сіл Літвы і Латвіі беларусы правядуць эвакуацыю мясцовых жыхароў з раёна бедства. Паводле звестак сайта выратавальнай службы Латвіі, нягледзячы на працу, у Талсінскім раёне ў многіх месцах не толькі па-ранейшаму гараць тарфянішчы, але адбываецца гарэнне і адкрытага полымя. Паводле некаторых ацэнак, тушыць пажар давядзецца яшчэ каля тыдня. Нагадаем, учора беларускі верталёт Мі-8 па даручэнні Кіраўніка дзяржавы Аляксандра Лукашэнкі адправіўся на ліквідацыю пажару ў суседнюю краіну. За ўчорашні дзень экіпаж правёў 20 зліванняў вады на ачагі ўзгарання.