У Мінску і наваколлях арганізавана 7 такіх пунктаў, а ўсяго па краіне будуць працаваць каля сотні купеляў. І ўсюды з дзяжурствам медыкаў, праваахоўнікаў і ратавальнікаў. На Цнянскім вадасховішчы зараз знаходзіцца і наш карэспандэнт Аляксандр Камовіч (прамое ўключэнне).
Вечар добры, калегі. Зараз на Цнянскім вадасховішчы скончылася асвячэнне купелі. Аднымі з першых ачысціцца праз акунанне сабраліся тыя, хто па традыцыі сочыць за бяспекай падчас купанняў. Варта адзначыць, што і абрад для ратавальнікаў даўно стаў традыцыяй напярэдадні свайго прафесійнага свята.
Протаіерэй Яўген Свідзерскі, клірык Мінскага кафедральнага Свята-Духава сабора: "Разам з ратавальнікамі сюды прыйшлі і сотні вернікаў, людзі ідуць сем'ямі. Традыцыйных калядных маразоў не прадбачыцца, на вуліцы дзесьці мінус 2. Нягледзячы на гэта, тут, на Цнянскім вадасховішчы, палявыя кухні прапануюць усім ахвотнікам гарачую гарбату і каву. Трэба сказаць, што ў МНС заклікаюць пазбягаць стыхійных месцаў купання і рабіць гэта ў арганізаваных купелях. Пры гэтым варта разумна ацэньваць свой стан, выключаць купанне ў нецвярозым выглядзе".
Чакаецца, што ў вадохрышчанскіх купаннях у Беларусі прымуць удзел больш за 100 тысяч чалавек. Спецыяльныя месцы арганізаваны ў дзясятках пунктаў па ўсёй краіне, а прайсці абрад будзе магчыма ўвесь заўтрашні дзень.
Дзякуй, Аляксандр. Паспела заўважыць, што сярод тых, хто не пабаяўся сёння акунуцца, былі і нашы калегі.