Год бязвізавага рэжыму ў Брэсцкі раён прынёс дывідэнды - амаль мільён долараў!
Тут адпачылі звыш 18 500 замежных гасцей, якія прыехалі па спрошчанай схеме. Бязвіз надаў новы імпульс развіццю інфраструктуры, а санаторыі турысцка-рэкрэацыйнай зоны Брэст атрымліваюць сертыфікаты тураператараў, каб працаваць з бязвізавымі гасцямі напроста, без пасярэднікаў. Падрабязнасці - у наступным сюжэце.
Расказвае Вікторыя Патоня.
Кожны трэці кліент брэсцкіх здраўніц - замежны госць. Беларускія санаторыі асабліва папулярныя ў расіян. У «Сонечным» спадзяюцца, што кліенцкая база пашырыцца дзякуючы бязвізавым турыстам. Здраўніца знаходзіцца на тэрыторыі турысцка-рэкрэацыйнай зоны Брэст і адна з першых атрымала сертыфікат турфірмы, каб напроста працаваць з такімі гасцямі. Марына Рабцава з мужам прыехалі з Эстоніі па рэкамендацыі знаёмых. Пуцёўку браніравалі праз Інтэрнэт.
Пакуль у Брэсцкай вобласці права самастойна прымаць бязвізавых гасцей атрымалі чатыры здраўніцы з шасці. Такі падыход - без пасярэднікаў - эканоміць і грошы, і час: пуцёўка каштуе танней.
Разлічаны на турыстаў і гэты парк-гатэль. Жабінкаўскі раён транзітны і ўваходзіць у бязвізавую тэрыторыю. Некалі закрыты піянерскі лагер дзякуючы прыватным інвестыцыям атрымлівае другое жыццё. Дырэктар Яўген Кірылюк з гонарам паказвае, што атрымалася. На месцы старых драўляных карпусоў пабудаваны ўтульныя бунгала.
Год бязвізавага рэжыму для Брэста - гэта добры штуршок для развіцця турыстычнай інфраструктуры рэгіёна, выхад на еўрапейскі ўзровень. Дагэтуль асноўны паток замежных гасцей складалі расіяне, якіх наш сэрвіс здавальняе. Па турыстычным ваўчары Брэст наведваюць у асноўным жыхары Польшчы, Прыбалтыкі, Германіі і Чэхіі. Прыязджаюць як групамі, так і індывідуальна. На лячэнне, шопінг-туры, дзелавыя і спартыўныя сустрэчы і проста наведаць сваякоў.
За год рэгіён наведалі 18 500 бязвізавых турыстаў. Плануецца, што гэтая лічба павялічыцца. Асабліва сёлета, калі Брэст адзначыць тысячагоддзе! На свята прыедуць шматлікія дэлегацыі, у тым ліку з еўрапейскіх гарадоў-пабрацімаў. Да знакавай даты і прыёму гасцей горад рыхтуецца ўжо зараз.
