Збыць падробку ў магазіне горада Глыбокае спрабаваў 48-гадовы мясцовы жыхар. Як высветлілася, аб разліку фальшыўкай мужчына ведаў. Незадоўга да гэтага банкноту яму даў яго таварыш, які атрымаў грашовы знак ад нейкага бізнесмена. Паводле матэрыялаў барацьбітоў з эканамічнымі злачынствамі, камерсант адсканіраваў і раздрукаваў узор без якога-небудзь злога намеру. Пасля чаго аддаў фальшывыя 20 рублёў свайму знаёмаму.
За 6 месяцаў года ў Беларусі выяўлена больш за 400 выпадкаў падробкі грашовых знакаў. У большасці выпадкаў аператыўнікі канфіскоўваюць замежную валюту: долары ЗША, еўра і расійскія рублі.
