Беларускія інтэрнэт-магазіны працуюць па новых правілах

19 Жніўня 2013

Беларускія інтэрнэт-магазіны ўжо два месяцы працуюць па новых правілах - ніякіх квітанцый аб аплаце, толькі чэкі. Касавае абсталяванне дапаможа пазбавіцца ад ценявых інтэрнэт-продажаў і пакіне на рынку толькі сумленных гульцоў. Прынамсі, на гэта спадзяюцца падатковыя органы.

Ці ўсе магазіны прынялі новыя правілы гандлю, раскажа Таццяна Кучун.


Чэк - гэта рэальнае пацвярджэнне куплі. Ці то звычайны магазін або магазін у Інтэрнэце. У дакуменце ёсць звесткі аб прадаўцы і сума здзелкі. Гэтага дастаткова для абароны правоў спажыўца ў выпадку выяўленых недахопаў у тавары.


За першае паўгоддзе 2012 года па выніках праверак падатковых органаў было выяўлена 195 парушэнняў наяўнага разліку грамадзян пры афармленні пакупак праз Інтэрнэт.
Ларыса Шыбко, намеснік начальніка галоўнага упраўлення Міністэрства па падатках і зборах Беларусі: Мы праводзім няпланавыя тэматычныя аператыўныя праверкі па гэтых пытаннях. У тым ліку метадам кантрольнай закупкі, які дазваляе высветліць, ці выконваецца патрабаванне заканадаўства з боку ўладальнікаў інтэрнэт-магазінаў.


Калі раней інтэрнэт-магазіны маглі абысціся квітанцыяй аб аплаце, то зараз правілы ўзмацніліся. З 16 чэрвеня кур'еры абавязаныя выбіваць чэкі толькі ў прысутнасці пакупніка, выкарыстоўваючы партатыўны касавы апарат.


Сяргей Вайніловіч, дырэктар інтэрнэт-магазіна: Касавы апарат невялікі, партатыўны, ён працуе ад акумулятара, і ні аднаму кур'еру (ці то дастаўка ежы альбо дастаўка бытавой тэхнікі) абсалютна не дастаўляе цяжкасцяў насіць яго з сабой.


Колькасць інтэрнэт-магазінаў з пачатку года павялічылася з 5 да 6 тысяч. Далёка не ўсе фірмы аказаліся гатовыя адразу працаваць па новых правілах. Часам кур'еры выязджаюць па адрасе з ужо раздрукаваным касавым чэкам або з яго падабенствам.


Толькі пры наяўнасці адзнакі аб фіскальнасці (гэта тры літары на чэку - ФРБ) вы можаце быць упэўненыя, што ў вашых руках сапраўдны чэк. Усё астатняе - падробка. Акрамя таго, пакупнік абавязаны праверыць суму на чэку, і ўліковы нумар плацельшчыка павінен супадаць з тым, што на сайце інтэрнэт-магазіна. За парушэнне вядзення касы штраф да 200 базавых велічынь.


Давярай, але правярай. Дзейнасць урада накіраваная на тое, каб зрабіць інтэрнэт-гандаль белым, абараніць спажыўца. Аднак галоўным кантралюючым звяном застаецца сам спажывец, які адстойвае свае правы.