Таямніца планеты Зямля, сутычка з касмічнымі піратамі і падарункі ад Дзеда Мароза. Больш за 200 дзяцей з усёй Беларусі пабывалі ў Маскве на Крамлёўскай ёлцы. Гэта пераможцы творчых конкурсаў, алімпіяд і проста школьнікі. У расійскай сталіцы іх чакалі незабыўныя прыгоды. На сцэне з'явіліся персанажы рускіх народных казак - Садко, лясун, Даніла-майстар і Дзед Мароз са Снягуркай. А пасля таго як дабро перамагло зло, усіх дзяцей чакалі смачныя салодкія падарункі.
Удзел беларускіх дзяцей у Крамлёўскай ёлцы маляўніча завяршыў акцыю "Мінск-Масква. Навагодняе падарожжа без меж". Яе арганізавала пасольства Расіі ў Беларусі. Дзякуючы праекту больш за 3 тысячы дзяцей пабывалі на навагодніх паказах у 12 гарадах Беларусі. А ў наступным годзе з візітам у адказ на галоўную елку ў Мінск ужо прыедуць расійскія дзеці.
