Завяршаецца ўстаноўка светлавых канструкцый і елачных гірляндаў. Навагодняя ілюмінацыя будзе зманціравана да 10 снежня. Сёлета ў Мінску з'явяцца і новыя ўпрыгажэнні на вуліцах Асаналіева, Русіянава, Сталетава і ў мікрараёне Сокал. Надзея Сербіненка ведае, як будзе выглядаць Мінск пад Новы год.
Дызайнеры Мінгарсвятла пачалі распрацоўваць канцэпцыю навагодняй ілюмінацыі горада яшчэ вясной. Спачатку іх эскізы зацвердзіў галоўны архітэктар сталіцы. А зараз задумкі дызайнераў ажыццяўляюць мантажнікі. Ужо на вуліцах і плошчах. Вячаслаў Сахарчук праектуе 12 гадоў. Таму памятае, як змянялася светлавое афармленне Мінска.
Вячаслаў Сахарчук, начальнік сектара праектных работ УП Мінгарсвятло: Сёлета будуць навінкі ў паказе аб'ёмных фігур. Гэта ЗД-канструкцыя вялікіх памераў, што свеціцца. Гэта нешта новае, тое, чаго ў нас не было раней.
Усе гірлянды і так званыя светлавыя матывы работнікі Мінгарсвятла ствараюць самі. Набываюць толькі камплектуючыя - лямпачкі, патроны, правады. Дарэчы, ва ўсіх гірляндах гараць выключна эканамічныя святлодыёды.
Юрый Сасаў, старшы майстар спецыялізаванага раёна № 1 УП Мінгарсвятло: На маленькую елку ад 15 да 17 метраў ідзе 20 гірляндаў са святлодыёднымі лямпачкамі і 8 гірлянд-строб, г.з. лямпы, што мігцяць.
А гэта ўжо завяршальны этап. Мантажнікі пачалі ўпрыгожваць елку ля Нацыянальнай бібліятэкі з самай раніцы. Да каркаса з зялёнымі лапкамі яны павінны дадаць яркія зіхатлівыя фарбы.
На гэту елку вышынёй 20 метраў мантажнікі мацуюць 20 рознакаляровых гірляндаў. Але каб цалкам упрыгожыць дрэва і падключыць, праверыць гірлянды, ім патрэбны два дні. Але заззяе ёлка толькі ў святочныя дні.
Спачатку неабходна замацаваць верхавіну, потым сіметрычна размеркаваць гірлянды па конусе дрэва. Пасля падключэнне ілюмінацыі да пульта кіравання і пробны запуск.
Сёлета ў горадзе з'явяцца і новыя ўпрыгажэнні на вуліцах Асаналіева, Русіянава, Сталетава і ў мікрараёне Сокал. Але асаблівая ўвага па традыцыі надаецца дэкору галоўнай елкі краіны ля Палаца Рэспублікі. Навагодняе дрэва ўпрыгожаць 7 тысяч лямпачак. Але заззяе яно, як і ўвесь горад, толькі на Раство.
