10 тон спецгрузу (цёплыя коўдры і палаткі) на суму каля 2 мільярдаў рублёў будуць дастаўленыя ў горад Ош па чыгунцы. Дапамога была сфарміраваная, зыходзячы з патрэб пацярпелага рэгіёна, і створаная з дзяржаўнага рэзерву. Фарміраваннем грузу займалася Міністэрства па надзвычайных сітуацыях. У ведамства багаты вопыт па правядзенні гуманітарных аперацый, беларускія ратавальнікі толькі летась дастаўлялі такія грузы ў Ірак, Сірыю, Непал і Хакаскую Рэспубліку. Дапамога Кыргызстану стала першай гуманітарнай місіяй сёлета.
Віталь Навіцкі, прэс-сакратар МНС Беларусі:
"Кыргызстан звярнуўся да розных дзяржаў з просьбай аб аказанні дапамогі. Вядома, наступствы ад землетрасення ёсць. Яны адчуваюцца дагэтуль. Але і груз сфарміраваны, зыходзячы з пажаданняў боку. Гэта прадметы першай неабходнасці. І адразу ж пасля дастаўкі гэтага грузу ў Ош гуманітарная дапамога беларусаў будзе раздадзеная тым, хто мае ў ёй патрэбу".
З лістапада Кыргызстан скалынае серыя землетрасенняў, апошняе з якіх адбылося на мінулым тыдні. Усяго за гэты час у рэгіёне разбурана звыш 4 тысяч дамоў і аб'ектаў сацыяльнай сферы.
