"Белавія" адкрыла новы рэйс па маршруце Мінск - Мюнхен - Мінск

15 Ліпеня 2019

"Белавія" сёння адкрыла новы рэйс па маршруце Мінск - Мюнхен - Мінск. Палёты будуць ужыццяўляцца чатыры разы ў тыдзень час у дарозе складзе каля 2-ух гадзін. Камфорт і выгоду пералёту адной з першых ацаніла Святлана Лук'янюк.

Прама з Мінска ў Мюнхен. Сёння адчынены новы рэйс у Баварыю. Сярод першых пасажыраў была і наша здымачная група. 

Гэта першыя пасажыры прамога авіярэйсу да Мюнхена. Сярод гарадоў Германіі ён стаў чацвёртым у зручнай сувязі, побач з Франкфуртам, Гановерам і Берлінам. Мы пашыраем сваю маршрутную сетку. І для зручных стыковак з Захаду на Усход у тым ліку. 

Перамовы аб адкрыцці гэтага кірунку вяліся ўжо гадоў дзесяць. Так што курс вывераны. Германія наш асноўны гандлёвы і інвестыцыйны партнёр у Еўропе, да таго ж Баварыя багатая на вялізныя выставачныя цэнтры, а гэта месца сустрэч бізнесу. Бо 10 эканамічна моцных раёнаў як раз і знаходзяцца ў наваколлях Мюнхена. 

Білеты на гэты першы рэйс да Мюнхена пачалі прадаваць за два месяцы да вылету. Тым самым, каб і паглядзець, ці будзе попыт на гэты кірунак. Зразумела, новы прамы маршрут пракладаюць узважыўшы ўсе за і супраць. Гэта ў тым ліку і імкненні, і інтарэсы нашага бізнесу ў Германіі, а нямецкага ў Беларусі. Дзелавыя людзі эканомяць час і хуткае перамяшчэнне для іх вялікі плюс. У выніку, як бачым, Embraer запоўнены амаль цалкам. І гэта вельмі добры старт.

Час у шляху амаль дзве гадзіны. І па гэтым маршруце з гэтага часу чатыры разы на тыдзень. Кошт у абодва бакі ад 255 еўра. Нацыянальны перавозчык упэўнены, гэтая цана вытрымлівае канкурэнцыю сярод іншых кампаній, якія лятаюць у мюнхенскім кірунку.

У Мюнхене рэйс з Беларусі чакалі. Пасажыраў сустракалі вось такімі пернікавымі медалямі ў форме сэрца і надпісам "15.07.2019". Гэты горад і як пункт прызначэння, а таксама як і добрая транзітная пляцоўка. Стыкоўкі тут з рэйсамі па ўсіх кантынентах. 

Гэты аэрапорт у Мюнхене - транспартны вузел усёй Баварыі. Да таго ж самы буйны ў Еўропе - 90 рэйсаў за гадзіну. Можна вось прама з акна тэрмінала назіраць узлёты і пасадкі. І яны не спыняюцца. 85 авіякампаній лятаюць адсюль. І сёння гэты спіс папоўніўся. На карце вылетаў з Мюнхена чатыры разы на тыдзень ужо значыцца Мінск.

Прамой сувзяі з нашай сталіцай не было 20 гадоў. Гэта пры тым, што цікавасць вялізная, больш як 100 кампаній завязаныя з Мінскам па бізнесе. Ды і народную дыпламатыю ніхто не адмяняў. 30-дзённы бязвіз у Беларусі для іншаземцаў прыцягвае турыстаў, і гэты спіс хутка будзе папаўняцца і баварцамі. 

Беларускія тураператары таксама распрацоўваюць новыя маршруты ўжо ў мюнхенскім кірунку.