"Белавія" аб'явіла аб зніжках для сваіх кліентаў у дзень 27-годдзя кампаніі, паведамляе прэс-служба авіяперавозчыка.
"Дорым промакод на зніжку: па промакодзе 27BELAVIA можна купіць білет са зніжкай 27 % ад тарыфу", - гаворыцца ў святочным рэлізе.
Аднак удакладняецца, што зніжка на таксы і зборы, уключаныя ў кошт білета, не распаўсюджваецца.
"Асаблівасць промакоду ў тым, што ён прымяняецца да ўсіх тарыфных брэндаў эканамічнага класа на любым рэгулярным рэйсе "Белавія", - вынікае з рэкламнай прапановы дзяржкампаніі.
Таксама ў "Белавія" паведамілі, што колькасць промакодаў - 100 тысяч, а скарыстацца ім можна толькі сёння да 00:00.
Перыяд падарожжа - з 6 сакавіка па 21 красавіка.