Як паведамілі ў МЗС нашай краіны, менавіта гэты дакумент у адпаведнасці з еўрапейскай спецыфікацыяй будзе апублікаваны, пераведзены на англійскую мову і перададзены ў Еўракамісію. Пры гэтым прэс-сакратар знешнепалітычнага ведамства падкрэсліў:
Дзмітрый Мірончык, начальнік упраўлення інфармацыі - прэс-сакратар МЗС Беларусі: "Беларускі бок дакладна выконвае свае добраахвотныя абавязацельствы ў дачыненні да правядзення ўсёабдымнай ацэнкі рызык і бяспекі Беларускай атамнай электрастанцыі, што будуецца, - стрэс-тэстаў - і цесна супрацоўнічае з Еўрапейскай камісіяй і Еўрапейскай групай рэгулятараў ядзернай бяспекі".
Тэрміны і парадак партнёрскай праверкі дадзенага даклада еўрапейскімі экспертамі яшчэ ўзгадняюцца. Беларускі бок разлічвае абмеркаваць дадзенае пытанне на будучым тыдні ў Вене, дзе пачне працаваць 61-я сесія Генеральнай канферэнцыі МАГАТЭ.
