Дождж, мокры снег і моцны парывісты вецер. Складаныя ўмовы надвор'я захоўваюцца ва ўсіх рэгіёнах краіны. Да гэтай хвіліны, як нам паведамілі ў МНС, ніякіх надзвычайных здарэнняў не зафіксавана. Але сіноптыкі папярэджваюць - шквалы не сціхнуць. Вецер парывамі да 18 метраў за секунду будзе і ў пачатку новага тыдня. Па захадзе краіны чакаюцца ападкі. Уначы замаразкі да мінус аднаго. Днём - да плюс шасці. ДАІ рэкамендуе вадзіцелям не чакаць першага дня зімы і змяніць шыны ўжо зараз. Пры такіх тэмпературах летняя гума небяспечная. Больш уважлівымі варта быць і пешаходам.
