Беларусь зрабіла яшчэ адзін крок на шляху да цывілізаванага выкарыстання беспілотных сістэм

Беларусь зрабіла яшчэ адзін крок на шляху да цывілізаванага выкарыстання беспілотных сістэм. У прыватнасці,  размова аб дронах і авіямадэлях, якія парушаюць усталяваны парадак і з'яўляюцца ў забароненых для палётаў месцах. Зараз на іх змогуць уздзейнічаць спецтэхнікай і фізічнай сілай.  Указ падпісаў Прэзідэнт. Дакумент накіраваны на гарантаванне бяспекі ў цэлым  як стратэгічных і дзяржаўна-важных аб'ектаў краіны, так і насельніцтва. Дэталі даведалася Алеся Высоцкая. 

Аб тым, як дроны пакараюць свет, што будзе далей, разважаць можна бясконца. У звычайным жыцці ў іх дзясяткі найскладанейшых задач. І страшна падумаць, колькі функцый можа быць не ў мірных мэтах. Дроны-разведчыкі, камікадзэ, кантрабандысты. 

Беспілотнікі ўжо змянілі і характар сучасных войнаў. 

Атака беспілотнікаў ў Сірыі, прымяненне дронаў у вайне ў Пакістане прымусілі планету задумацца аб абароне ад новай зброі тэрору. І Беларусь не выключэнне. 

Указ Прэзідэнта не закранае інтарэсы добрасумленных пілотаў, а толькі парушальнікаў, растлумачылі нам ва ўпраўленні Узброеных сіл па выкарыстанні паветранай прасторы. Да беспілотнікаў і авіямадэляў у зонах, забароненых для палётаў, зараз могуць на законных падставах прымяняць сродкі паражэння. 

Што пра гэта думаюць пілоты, мы спыталі ў намесніка старшыні Беларускай федэрацыі беспілотнай авіяцыі. Вось ужо два гады яе актывісты прасоўваюць укараненне прагрэсіўных правіл палётаў. І новаўвядзенне, гаворыць Глеб Бандарык, працуе на ўмацаванне бяспекі і працягвае фарміраванне празрыстай прававой базы. 

Неабавязкова, што, трапіўшы ў забароненую зону, дрон-парушальнік будзе збіты. Трапіць ён можа як у прыцэл агнястрэльнай зброі, так і навінак з лінейкі сродкаў радыёэлектроннай барацьбы, і будзе пасаджаны або выцеснены за перыметр. Але калі дрон разаб'ецца, гэта ўжо стане праблемай пілота. 

Увесь свет ідзе па шляху ўзмацнення жорсткасці правіл выкарыстання беспілотнікаў. І, на думку экспертаў, заканадаўства Беларусі яшчэ даволі мяккае.

І размова не толькі аб такіх найважнейшых аб'ектах, як заводы нафтахіміі, АЭС і іншае. Стадыён, напрыклад, таксама стратэгічны аб'ект, дзе нават проста дрон, які падае,  хай і маленькі,  праблема. 

Многія еўрапейскія гарады забаранілі палёты над гістарычнай часткай  зусім. Штрафы даходзяць да сум з некалькімі нулямі. А часам несанкцыянаваныя палёты караюцца і крымінальнай адказнасцю.