Беларусь развіталася з народным артыстам, дырыжорам і мастацкім кіраўніком Нацыянальнага акадэмічнага канцэртнага аркестра Міхаілам Фінбергам. Да 75-годдзя маэстра не дажыў усяго пару месяцаў. З раніцы ў вялікай зале Белдзяржфілармоніі праходзіла развітанне. Калегі і прыхільнікі выстройваліся ў чаргу, каб апошні раз падарыць музыканту кветкі, выказаць сваю павагу і падзяку. Сярод першых быў ускладзены вянок ад Прэзідэнта. Міністр культуры зачытаў спачуванні ад кіраўніка дзяржавы на грамадзянскай паніхідзе. Аддаць даніну памяці маэстру прыйшлі таксама палітыкі, міністры, дзеячы культуры і мастацтва.
Пакінуў сцэну і сцены філармоніі Міхаіл Фінберг па традыцыі пад апладысменты.
Пасля Міхаіла Фінберга адпелі ва Усіхсвяцкім храме. Пахавалі на цэнтральнай алеі Усходніх могілак. Каб развітацца з маэстра, людзі прыязджалі дэлегацыямі з іншых гарадоў, у тым ліку з яго роднага Мазыра. Народнага артыста ў апошні шлях праводзілі з усімі ўшанаваннямі ў суправаджэнні роты ганаровай варты.