Беларусь прапанавала Генасамблеі ААН заснаваць Міжнародны дзень памяці аб чарнобыльскай катастрофе.
Ад імя нашай краіны на пасяджэнні выступіла кіраўнік ірландскай дабрачыннай арганізацыі "Міжнародны праект - Дзеці Чарнобыля" Эдзі Роўч. Упершыню ў сучаснай гісторыі афіцыйных пасяджэнняў Генасамблеі ад імя дэлегацыі дзяржавы - члена ААН выступіў прадстаўнік замежнай дзяржавы. У МЗС адзначылі, што Беларусь дала магчымасць ірландцы выступіць ад свайго імя, каб паказаць глабальны характар наступстваў аварыі на ЧАЭС і адсутнасць бар'ераў для шматнацыянальных намаганняў па іх пераадоленні. Нагадаем, памятнае пасяджэнне Генасамблеі, прысвечанае 30-годдзю аварыі на ЧАЭС, прайшло па ініцыятыве Беларусі, Расіі і Украіны. Ахвяр катастрофы ўшанавалі хвілінай маўчання.