Шырокі доступ да крыніц энергіі і высокі клас энергаэфектыўнасці. Беларусь трапіла ў шчасную "зялёную зону" рэйтынгу ўстойлівасці энергетыкі Сусветнага банка і заняла 37 месца. Усяго ў спісе 111 краін. З іх у "зялёнай зоне" - 45 , у "жоўтай" - 40 і ў "чырвонай" - 26.
Спіс складзены на падставе трох крытэрыяў, ацэнка давалася па 100-бальнай шкале. Так, доступ да крыніц энергіі ў краіне быў ацэнены максімальным балам, за выкарыстанне меншай колькасці энергіі ў будынках і тэхналагічных працэсах на вытворчасці эксперты Сусветнага банка паставілі 62 балы. Яшчэ адзін крытэрый - аднаўляльныя крыніцы энергіі. 49 балаў гавораць аб тым, што ў Беларусі тут ёсць рэзервы - гэта ўсталёўка ветрагенератараў і ўкараненне сонечных батарэй. У выніку наша краіна атрымала 70 балаў.
Першая пяцёрка краін у рэйтынгу ўстойлівасці энергетыкі - гэта Данія, ЗША, Канада, Нідэрланды і Германія. З суседніх з Беларуссю лепшы паказчык у Польшчы - 25 месца і Расіі - 27 месца.
