Беларусь гэтымі днямі па традыцыі стала пляцоўкай для міжнародных спаборніцтваў па праве.
У сталіцу на адкрыццё алімпіяды, а менавіта так праект называюць удзельнікі, з'ехаліся юрысты з розных куткоў свету. Пад лозунгам "Моладзь за мір" форум праводзіцца як частка глабальнай ініцыятывы ААН і аб'ядноўвае ВНУ для падтрымкі 10 сусветна прызнаных прынцыпаў, што тычацца правоў чалавека, дасведчанасці, устойлівага развіцця і вырашэння канфліктаў. На адкрыцці прысутнічаў і Дзмітрый Цітоў.
На гэтай алімпіядзе дэвіз "Хутчэй, вышэй і мацней" тлумачыцца не з фізічнага боку, а з маральнага. Унікальны праект для нашай краіны, які не мае аналагаў ва Усходняй Еўропе і СНД, уваходзіць у тройку прэстыжных конкурсаў па міжнародным праве.
Студэнт і ўдзельнік алімпіяды з Румыніі ўзяў з сабою яшчэ і багаж юрыдычных ведаў. Яго каманда марыць не толькі пра перамогу, але таксама і пра членства ў журы ў будучыні.
На юрыдычнай алімпіядзе будуць змагацца ў веданні міжнароднага права 12 каманд. Аўтар і арганізатар праекта - Міжнародны ўніверсітэт МІТСО. У журы аўтарытэтныя эксперты.
Будучым чэмпіёнам важна справіцца з усімі тэарэтычнымі раўндамі, паказаць практычныя навыкі. Суддзі ацэньваюць, як студэнты абараняюць і сваю грамадзянскую пазіцыю.
За 10 гадоў сваёй гісторыі алімпіяда "Моладзь за мір" сабрала прадстаўнікоў больш як 40 краін свету, сярод якіх студэнты лепшых юрыдычных ВНУ. Вынікі конкурсу падвядуць 1 кастрычніка.
У рамках алімпіяды адбудзецца і ўзнагароджанне прызёраў конкурсу на лепшае эсэ па міжнародным гуманітарным праве, прысвечаным 70-годдзю з дня заканчэння Другой сусветнай вайны. Таксама ўдзельнікаў чакае і вечар нацыянальных культур.
