На гэтым тыдні тэма кантролю раскрылася ў нашым інфармацыйным полі і яшчэ з аднаго ракурсу. У Беларусі затрыманы замежнік, які адшукваецца па лініі Інтэрпала за дачыненне да тэрарыстычных дзеянняў, у тым ліку за забойства. Як паведаміла Генпракуратура, зараз вырашацца пытанне аб яго экстрадыцыі.
У цэлым у нашай краіне з 2014 года ў міграцыйных і пасажырскіх патоках выяўленыя 68 баевікоў і памочнікаў тэрарыстычных арганізацый, 24 з якіх знаходзіліся ў міжнародным вышуку. Гэта чарговы раз пацвярджае: Беларусь была і застаецца надзейным фарпостам у выяўленні фактаў, у тым ліку - транснацыянальнай злачыннасці.
І як яшчэ адзін прыклад: на беларуска-ўкраінскай мяжы на КПП "Аляксандраўка" быў затрыманы грамадзянін Украіны, які спрабаваў завезці ў нашу краіну амаль 3 дзясяткі патронаў калібрам 9 міліметраў. Толькі на гэтым участку мяжы гэта ўжо дзясяты выпадак затрымання нелегальнага арсеналу. Усяго ж з пачатку года на паўднёвых межах Беларусі канфіскаваныя 43 адзінкі зброі і 450 боепрыпасаў.
Праблема абмяркоўвалася на нарадзе ў Кіраўніка дзяржавы ў канцы верасня, а на гэтым тыдні тэму ў гутарцы з Віктарам Юшчанкам паднімаў прэзідэнт Аляксандр Лукашэнка. Палітыкаў звязваюць сяброўскія адносіны. У гады найболей складаных узаемаадносін афіцыйнага Мінска з Захадам экс-прэзідэнт Украіны дапамагаў знайсці агульную мову з еўрапейцамі і амерыканцамі, выйсці на наладжванне дыялогу. Сёння ж адна з галоўных тэм і хваравітых пытанняў - канфлікт на ўсходзе Украіны. Яшчэ 5 гадоў таму мала хто мог паверыць, што ля нашых межаў такое магчыма.
Беларусы чарговы раз пацвердзілі сваю неабыякавасць. Мы рэгулярна аказваем гуманітарную дапамогу паўднёвым суседзям. Але, як паказвае практыка, у адзіночку вырашыць усе праблемы не атрымаецца. Патрэбны паўнафарматны дыялог. Такі падыход заўсёды быў асновай знешняй палітыкі Беларусі. І Мінск сёння бачыцца адной з самых эфектыўных пляцовак для гутаркі аб бяспецы.
