Беларусь мае намер прадоўжыць актыўны ўдзел у міжнародным супрацоўніцтве па барацьбе з незаконным абаротам радыеактыўных матэрыялаў. Гэта заявіў намеснік міністра замежных спраў на міжнароднай канферэнцыі ў Швецыі, прысвечанай пытанням бяспекі ў рэгіёне Балтыйскага мора. Алег Краўчанка адзначыў пастаянную ўвагу, што надаецца абароне ядзерных аб'ектаў у Беларусі. У форуме прынялі ўдзел прадстаўнікі ведамстваў Даніі, Польшчы, Расіі, Нарвегіі і Эстоніі. Афіцыйныя асобы і вядучыя эксперты краін Балтыйскага рэгіёна абмеркавалі шырокі спектр актуальных пытанняў, у тым ліку барацьбу з тэрарызмам і рэагаванне на кліматычныя змяненні.
