Наконт гэтага гаварылі сёння ва Універсітэце культуры і мастацтваў на сустрэчы студэнтаў з паслом Казахстана. Плануецца, што слухачы змогуць навучацца на працягу семестра ў вядучых ВНУ дзвюх краін. Акрамя таго, на сустрэчы абмеркавалі высокую якасць беларускай адукацыі і цікавасць моладзі да ўзаемнага культурнага супрацоўніцтва.
Ермухамет Ертысбаеў, Надзвычайны і Паўнамоцны Пасол Казахстана ў Беларусі:
"Урады нашых краін стварылі ўсе неабходныя ўмовы для інтэнсіўных культурных кантактаў і абменаў. У нас ёсць кантакты студэнцкага абмену і кантакты абмену паміж прадстаўнікамі навукі, вышэйшай адукацыі. 50 нашых студэнтаў вучацца ва Універсітэце культуры і мастацтваў".
Наталля Карчэўская, першы прарэктар Беларускага дзяржаўнага ўніверсітэта культуры і мастацтваў:
"Наш універсітэт выклікае вялікую цікавасць у студэнтаў і выкладчыкаў казахскіх ВНУ, таму што ў нас неаднаразова была практыка супрацоўніцтва ў плане стажыровак".
Падчас сустрэчы студэнтам прэзентавалі кнігу Прэзідэнта Казахстана Нурсултана Назарбаева "Эра незалежнасці" ў знак умацавання і развіцця моладзевага супрацоўніцтва паміж краінамі.