Сёння ў Бруселі адбылася цырымонія падпісання пагадненняў паміж Беларуссю і ЕС аб спрашчэнні выдачы віз і аб рэадмісіі асоб, якія знаходзяцца без дазволу. Пагадненні прадугледжваюць на ўзаемнай аснове спрашчэнне парадку выдачы віз, уключаючы паніжэнне візавага збору да 35 еўра, а таксама супрацоўніцтва Беларусі і ЕС у галіне рэадмісіі. Палажэнні пагадненняў пачнуць прымяняцца ў першы дзень другога месяца пасля абмену апавяшчэннямі аб выкананні бакамі ўнутраных працэдур, гэта значыць могуць уступіць у сілу ў чэрвені. Зараз жа яны будуць перададзеныя на ўзгадненне ў Еўрапейскі парламент. З нашага боку неабходна ратыфікацыя дакументаў Нацыянальным сходам Беларусі.
Беларусь і ЕС падпісалі пагадненне аб спрашчэнні выдачы віз
8 января 2020