Ледзь больш за месяц - і наша краіна адзначыць дату, якая ў нацыянальным самавызначэнні беларусаў і ў станаўленні Беларусі як самастойнай дзяржавы стала знакавай. 100-годдзе ўтварэння БССР - як частка нашай гісторыі: святкаванні прагучаць маштабна!
Сенсацыяй абяцае стаць выстава рэдкіх дакументаў, падрыхтаваная Нацыянальным архівам Беларусі. З іх знімуць грыф "сакрэтна" і пададуць факты, у якіх па днях і нават па гадзінах прапісаныя першыя крокі і першыя рашэнні будаўніцтва маладой беларускай рэспублікі. У экспазыцыю ўвойдзе маніфест першага беларускага ўрада працоўных і сялян. Пратаколы, у якіх зафіксаваныя рашэнні аб беларусізацыі, калектывізацыі, індустрыялізацыі. Асабістыя справы і анкеты з аўтографамі Жылуновіча, Чарвякова, Кнорына і беларускіх актывістаў. Упершыню архіў раскрые і том унікальнай перапіскі Іосіфа Сталіна.
Вялікая частка архіўных дакументаў - арыгіналы. І толькі малая частка з матэрыялаў запатрабаваная даследчыкамі. 90% папак яшчэ чакаюць увагі гісторыкаў.
