За гады незалежнасці наша краіна дасягнула добрых вынікаў як у абаронным комплексе, так і ў прамысловасці, сельскай гаспадарцы, сацыяльнай і навуковай сферах.
Трывалае месца займае Беларусь і ў катэгорыі краін з высокім узроўнем развіцця чалавечага патэнцыялу. Лідзіруем сярод краін СНД. За апошнія гады назіраецца сапраўдны прарыў і ў медыцыне.
Беларускія ўрачы не толькі ў сталіцы, але і ў рэгіёнах, ратуючы жыцці, праводзяць літаральна ювелірныя аперацыі.
Складаныя, амаль ювелірныя аперацыі, без шрамаў і болю, сталі звычайнай практыкай для рэгіянальных урачоў. Толькі за дзень у Брэсцкай абласной бальніцы адбываецца звыш паўсотні ўмяшанняў. У перспектыве нават плануецца выкарыстанне апаратаў-робатаў.
Менавіта брэсцкія хірургі першымі сярод рэгіянальных медыкаў асвоілі трансплантацыю органаў і тканак. Сёння яны праводзяць перасадкі нырак, печані, рагавіцы вока, лёгачнай артэрыі, аорты і нават сэрца.
Камфортныя палаты, індывідуальныя радзільныя залы і найноўшае абсталяванне. Брэсцкая радзільня сёння - гэта сучасны перынатальны цэнтр. Апошнія пяць гадоў тут назіраецца сапраўдны бэбі-бум. Штогод нараджаюцца амаль 6 тысяч маленькіх беларусаў.
Дзіцячая смяротнасць у рэгіёне значна зніжаецца. Для неданошаных дзяцей - інкубатары новага пакалення. Тут выходжваюць малышоў з усёй вобласці вагой менш як 800 грамаў.
"Складаных" малых, якія нарадзіліся раней за тэрмін, ратуюць у кожным абласным цэнтры. А ў Магілёве, каб нованароджаныя хутчэй папраўляліся, нават уключаюць у палатах музыку. Аб унікальных магчымасцях дзіцячага хірургічнага цэнтра раскажа мой калега Андрэй Ястрабаў.
Цалкам новы, сучасны, фантастычны свет медыцынскіх паслуг - менавіта так завуць хірургічны цэнтр Магілёўскай дзіцячай абласной бальніцы. У наступным годзе яму споўніцца пяць гадоў.
Ад найпростых пераломаў да найтонкай мікрахірургіі вока. Аперацыі праходзяць пад пільным кантролем высокатэхналагічнай апаратуры, якая дазваляе звязвацца анлайн з любым спецыялістам у свеце. Адначасова тут працуюць 5 аперацыйных. Яшчэ адна - у рэжыме чакання для экстранных выпадкаў.
Адно з галоўных дасягненняў, якім ганарацца беларускія ўрачы, - высакакласныя аперацыі, якія дазваляюць літаральна паставіць на ногі пацыентаў з дыягназам ДЦП. Досведам магілёўскія хірургі ўжо дзеляцца на найбуйнейшых міжнародных кангрэсах.
Паспяхова засвоеная лапараскапія. На ўзбраенні афтальмолагаў - лазернае абсталяванне, якое дазваляе лячыць нават нованароджаных. У дапамогу спецыялістам і сучасны шматзрэзавы мультыспіральны тамограф. Ён дазваляе не толькі скараціць час абследавання маленькіх пацыентаў, але і зрабіць поўны аналіз іх стану.
Такая канцэнтрацыя сучаснага абсталявання, высокапрафесійных хірургаў дазволілі цэнтру не толькі праводзіць лячэнне, але і стаць базай па падрыхтоўцы спецыялістаў.
