Балтыйскі палігон Хмялеўка стаў завяршальным пунктам на карце вучэнняў

Манеўры пачаліся адразу пасля прыбыцця прэзідэнтаў Беларусі і Расіі Аляксандра Лукашэнкі і Уладзіміра Пуціна. Спецыяльна для правядзення навучальных баталій на палігонах у Калінінградскай вобласці было пабудавана некалькі населеных пунктаў. Для стварэння становішча сучаснага гарадскога бою збудаваныя дзясяткі макетаў жылых дамоў, школ і гандлёвых цэнтраў на вуліцах выстаўленыя макеты аўтатранспарту і бранятэхнікі.

Дзейнічаючы сумесна з расійскімі падраздзяленнямі, беларускія байцы сіл спецыяльных аперацый дэсантаваліся на ўзбярэжжа з карабля на паветранай падушцы Мардовія і ўступілі ў бой з тэрарыстамі, якія былі знішчаныя. На вучэнні ўпершыню было адпрацавана міжвідавое ўзаемадзеянне рэгіянальнай групоўкі войскаў Узброеных сіл Беларусі і Расіі з прыцягненнем сіл Ваенна-марскога флота.