Наконт пашырэння геаграфіі палётаў сёння ў Мінску заявіла кіраўніцтва нацыянальнага авіяперавозчыка нашай краіны. Работа ў гэтым кірунку паскораная пасля актывізацыі авіяканфлікту паміж Украінай і Расіяй. Нагадаем, прамыя авіязносіны паміж краінамі былі спыненыя з 25 кастрычніка. Першы крок па абслугоўванні транзітных пасажыраў Белавія зрабіла ў нядзелю, адкрыўшы новы рэйс у напрамку Адэсы. Напярэдадні права на палёты ў Мінск запрасілі некалькі ўкраінскіх авіякампаній.
Анатоль Гусараў, гендырэктар авіякампаніі "Белавія": "Украінскія перавозчыкі з Адэсы лятаць не плануюць. І мы гэта абмяркоўвалі з імі. Зараз ідзе размова наконт пачатку палётаў у Мінск украінскімі перавозчыкамі з Запарожжа і Днепрапятроўска. Магчыма, з Львова. Мы разглядаем пытанне аб мэтазгоднасці і магчымасці адкрыцця рэйса Белавія ў Харкаў. Заўтра ў нас будзе гендырэктар аэрапорта Харкава і дэлегацыя аэрапорта. Мы будзем абмяркоўваць гэтыя пытанні".
Беларускі авіяперавозчык паведаміў і аб планах павялічыць частату палётаў па маршруце Мінск - Кіеў. Пытанне наконт адкрыцця трэцяга рэйса ва ўкраінскую сталіцу вырашыцца ў найбліжэйшы час, удакладнілі ў кіраўніцтве Белавія.
