Уручаць атэстаты аб агульнай сярэдняй адукацыі сёлета будуць ва ўрачыстай абстаноўцы. Гэта рэкамендацыя Міністэрства адукацыі. Аднак фармат правядзення выпускных кожная школа зможа выбраць на сваё меркаванне па ўзгадненні з бацькоўскім камітэтам і мясцовымі органамі ўлады.
Ларыса Емяльянчык, кансультант упраўлення Міністэрства адукацыі Беларусі: "Міністэрства адукацыі прыняло рашэнне дазволіць арганізаваць урачыстае ўручэнне дакументаў аб адукацыі ва ўстановах агульнай сярэдняй адукацыі. Гэта не значыць, што ўручэнне атэстатаў павінна прайсці ў звычайным становішчы. Гэта ўсё ж павінна быць мерапрыемства, запамінальнае для вучняў, святочнае, сцэнарый правядзення такіх мерапрыемстваў у кожнай установе будзе свой".
Нагадаем, што ўрачыстае ўручэнне атэстатаў выпускнікам пройдзе 10 і 11 чэрвеня.
Атэстаты аб сярэдняй адукацыі ўручаць ва ўрачыстай абстаноўцы
20 мая 2020