Літаральна гадзіна застаецца да адкрыцця XXIX Мінскага міжнароднага кінафестывалю "Лістапад". Лідзія Заблоцкая не магла прапусціць гэтую падзею (прамое ўключэнне).
"Лістапад" упершыню кружыць у Доме кіно, што на вуліцы Талбухіна ў беларускай сталіцы. Адзін з найстарэйшых кінатэатраў Мінска рэканструявалі 18 гадоў таму. Застаецца менш за гадзіну да афіцыйнай цырымоніі, аб'ектывы ўсіх камер сфакусаваныя на чырвонай дарожцы. Тут убачым амаль 600 гасцей. Акрамя Беларускай гільдыі акцёраў кіно, самыя вялікія дэлегацыі з Расіі і Кітая. Кожнага кінагероя ўпішуць у атмасферу 20-х гадоў XX стагоддзя. Па сутнасці настолькі буйная сустрэча кіношнікаў здараецца толькі раз на год, таму ў холе, хутчэй, перагаворная. Каму ж ўручаць спецпрыз Прэзідэнта "За захаванне і развіццё традыцый духоўнасці ў кінамастацтве"? Пакуль інтрыга. У кулуарах робяць стаўкі на маладога рэжысёра Кірыла Халецкага, яго фільм - адкрыццё кінафестывалю.
Рэпарцёры чакаюць старшыню журы ігравога конкурсу - народнага артыста Расіі Ігара Угольнікава. Акцёр і рэжысёр прыехаў у Мінск не з пустымі рукамі.
А шостай гадзіне вечара прагучаць урачыстыя фанфары. Упершыню ўжывую ад Прэзідэнцкага аркестра. Нестандартна разаб'юць і талерку аб штатыў. Глядач прасочыць за яе з'яўленнем. Вядома, чакаем вырашэння дзвюх інтрыг: каму ж уручаць спецпрэмію Прэзідэнта Беларусі і што скажуць кінакрытыкі пасля прагляду адной з галоўных беларускіх прэм'ер - фільма "Кіношнікі". Магіляўчане ўжо змаглі ўбачыць гэтую стужку некалькі гадзін таму ў кінатэатры "Радзіма".
