У бліжэйшы час у сталіцы пачнецца будаўніцтва кватэр для сталічных медыцынскіх работнікаў. Да гэтага часу ў медыкаў была магчымасць атрымаць толькі пакой у інтэрнаце. За апошнія тры гады ў сталіцы пабудавалі тры такія дамы. Усяго ж у Мінску зараз шэсць інтэрнатаў для медыкаў. Больш за тое, гарадскія ўлады зараз рыхтуюць дакументы для перадачы будынка, у якім размесціцца студэнцкі інтэрнат для навучэнцаў сталічных медыцынскіх каледжаў.
Дарэчы з-за недахопу медсясцёр у бальніцах і паліклініках вырашана, што сёлета будзе аб'яўлены набор на вячэрнюю форму навучання ў сталічным медыцынскім каледжы. А ў наступным годзе аб'явіць набор на базе дзевяці класаў.
