Апарат штучнай вентыляцыі лёгкіх для кабінета МРТ сёння паступіў у дзіцячы анкалагічны цэнтр у Бараўлянах. Абсталяванне - навагодні падарунак ад Міністэрства аховы здароўя. А кіслародны канцэнтратар для лячэння органаў дыхання асабіста прэзентаваў Мітрапаліт Мінскі і Заслаўскі Павел. Зараз у стацыянары лечацца каля 200 дзяцей. Урачы вядуць і штодзённы прыём - гэта яшчэ 70 юных пацыентаў. Незалежна ад стадыі захворвання каля 75 % дзяцей папраўляюцца. Зараз у клініцы распрацоўваюць яшчэ больш эфектыўныя методыкі лячэння. Сярод іх біятэрапія раку.
Ужо два пацыенты лечацца па новым метадзе з дапамогай клетак натуральных кілераў. Затым у клініцы зоймуцца стварэннем генна-інжынерных клетак для геннай тэрапіі раку. Перспектывы такога лячэння дапаможа ацаніць новая малекулярная лабараторыя.
