Памочнік Прэзідэнта правёў прыём грамадзян у Мёрах

Сёння пытанні грамадзян выслухаў памочнік Прэзідэнта - інспектар па Віцебскай вобласці Анатоль Ліневіч у Мёрах. Так, жыхар гарадка Дзісна расказаў аб праблемах з пітной вадой. Нараканні павінны знікнуць з уводам станцыі абезжалезвання. А ў аграгарадку Туркова сітуацыя такая: ёсць школа, дзе вучацца 80 дзяцей, але пасёлак не газіфікаваны, і ў магчымасці выкарыстоўваць для ацяплення і гарачага водазабеспячэння электраэнергію таксама адмоўлена. Праблема сур'ёзная, адзначыў памочнік Прэзідэнта,  яна адштурхоўвае моладзь ад жыцця на сяле. 

Анатоль Ліневіч, памочнік Прэзідэнта Беларусі - інспектар па Віцебскай вобласці: "Паляпшэнне жыцця на сяле і ў аграгарадках павінна быць сістэмна арганізавана. Гэта павінна зводзіцца і да ўмоў адукацыі, і да ўмоў аховы здароўя, і да ўмоў транспарту і гэтак далей. Гэта значыць усе пытанні павінны разглядацца ў комплексе".
 

Мёрскі металапракатны завод рыхтуецца да запуску

Анатоль Ліневіч наведаў галоўную будоўлю Мёрскага раёна - завод па вытворчасці белай бляхі. Штогод Беларусь імпартуе каля 30 тысяч тон гэтага ўпаковачнага матэрыялу. У Мёрах узводзяць імпартазамяшчальныя лініі, зараз ідуць пусканаладачныя работы. У ліпені з канвеера павінна сысці першая партыя прадукту.