У індывідуальным жыллёвым будаўніцтве важны комплексны падыход. Сёння аб гэтым заявіў у Брэсце намеснік прэм'ер-міністра Беларусі. Анатоль Калінін адзначыў, што аб'ёмы індывідуальнага жыллёвага будаўніцтва ў Брэсцкім рэгіёне традыцыйна вышэйшыя, чым у іншых абласцях. У тым ліку па гэтай прычыне Брэст вылучаны ў якасці месца правядзення семінара. Яго ўдзельнікі наведалі кварталы комплекснай індывідуальнай забудовы і азнаёміліся з вопытам брастчан.
Анатоль Калінін, намеснік прэм'ер-міністра Беларусі: "Калі мы бачым, што адзін забудоўшчык вырашае для індывідуальных заказчыкаў усе пытанні - ад задумы да ўвядзення аб'екта - тады ідзе будаўніцтва. А калі мы проста раздалі ўчасткі, то за 10 гадоў там толькі 50% уведзеных дамоў. Мы бачым, што кошт будаўніцтва індывідуальнага жылля з комплексным падыходам значна ніжэйшы, а працэс больш эфектыўны".
Анатоль Калінін паставіў задачу паскорыць узвядзенне жылля для шматдзетных сямей. Да 2021 года чаканне наваселля для такіх сямей не павінна перавышаць 12 месяцаў. У бягучым годзе аб'ёмы будаўніцтва для гэтай катэгорыі грамадзян плануецца павялічыць не менш як удвая.
