Федэрацыя прафсаюзаў напярэдадні Дня Незалежнасці афіцыйна адкрыла абноўленую алею, якая вядзе да мемарыяльнага комплексу "Курган Славы".
Зараз даведацца пра гісторыю адной з найбуйнейшых аперацый у Вялікай Айчыннай вайне - "Баграціён" - дазволяць 8 інфармацыйных стэндаў вышынёй 3 метры, у форме штыкоў. Іх лік сімвалізуе тры пакаленні (дзяцей, бацькоў і дзядоў). Першымі ўбачыць архіўныя здымкі ваенных бітваў змаглі ўдзельнікі міжнароднага прафсаюзнага форуму "ТЭМП-2017", які працягваецца ў Мінску. Гэта госці з 15-ці краін свету, у тым ліку Індыі, Малдовы, В'етнама, Ізраіля. Нагадаем, у 2016-ым пры падтрымцы прафсаюзаў Курган Славы быў рэканструяваны.
І сёння, ужо ў Палацы прафсаюзаў, прэзентавалі гіпсавы макет новай скульптурнай кампазіцыі аднаго з аўтараў мемарыяла "Курган Славы" Анатоля Арцімовіча. У будучыні, выраблены з граніту і бронзы, "Помнік працы" Федэрацыя прафсаюзаў прапаноўвае ўсталяваць у Мінску. Дакладны памер кампазіцыі, якая па задумцы скульптура складаецца іх чатырох частак, будзе залежаць ад выбранай пляцоўкі. У цэнтры макета - зямны шар і анёл-захавальнік. Ля падножжа і па баках размешчаны тры статуі пад назвамі "Рабочая раніца", "У будучыню" і "Дажынкі".
