Датэрміновае выкарыстанне сямейнага капіталу, бонусы для тых, хто гатовы пераехаць у сельскую мясцовасць, а таксама новы механізм добраахвотнага пенсіённага страхавання. Адпаведныя праекты ўказаў на тыдні абмеркавалі ў Прэзідэнта.
Летась сямейны капітал дазволілі траціць датэрмінова на жыллё, адукацыю, медыцыну. Вядома, з нюансамі. Шматдзетныя сем'і вельмі прасілі пашырыць магчымасць атрымання гэтых грошай загадзя. У Мінпрацы ўлічылі пажаданні, падрыхтаваны новы дакумент. Усё пад запыты шматдзетных. Па статыстыцы так і атрымліваецца, датэрмінова больш трацяць на паляпшэнне жыллёвых умоў і здароўе.
Новы механізм добраахвотнага пенсіённага страхавання
Урад прапанаваў і падыходы да развіцця пенсіённай сістэмы. Галоўная мэта - павысіць асабістую зацікаўленасць работнікаў у фарміраванні сваіх будучых пенсіённых правоў. Механізм для добраахвотнага назапашвальнага страхавання пенсій прадугледжаны ў праекце ўказа Прэзідэнта і ў цэлым адобраны.
Рост даходаў беларусаў - у прыярытэце ўрада
Адна з ключавых задач урада - рост даходаў насельніцтва. Урад працуе над праектам бюджэту на будучы год. Так, плануецца, што рэальныя даходы беларусаў (гэта значыць за вылікам падаткаў і ўнёскаў) павінны павялічыцца на 2 %. Г.з. сярэдняя зарплата складзе 1 551 рубель, у рэальным сектары - звыш 1600. Асаблівая ўвага нізкааплатным прафесіям. Пра гэта ў праекце "Пытанне нумар адзін" распавёў профільны міністр Аляксандр Чарвякоў.
Арыенціры працы эканомікі на 2022 год
Сярод іншых задач на будучы год - дадаць у экспарце. Мяркуецца, выручка вырасце ад знешніх продажаў да 46 мільярдаў долараў. Аб'ёмы інвестыцый павялічацца на 3,3 %. Інфляцыя не перавысіць 6 %. Унутраны валавы прадукт у наступным годзе, згодна з прагнозам, павялічыцца на 2,9 %.