Маштабная дабрачынная акцыя "Нашы дзеці" працягвае сваё святочнае падарожжа па ўсіх кутках Беларусі. Кожны дзень маршрут марафону дабра ахоплівае новыя дзіцячыя дамы і лячэбныя ўстановы. Сёння адкрылася і “Навагодняя акадэмія” ў "БелЭкспа". Тут акцёры Тэатра моладзевай эстрады дарылі дзецям падарункі і наладзілі незабыўны паказ. Геаграфія такіх добрых сустрэч фактычна бязмежная. Гэта і буйныя гарады, і невялікія населеныя пункты. Акцыю "Нашы дзеці" прымуць каля 120 дзіцячых дамоў, школ, бальніц і іншых устаноў. Вядома, такі маштабны святочны карагод не абыходзіцца без падарункаў, цёплых пажаданняў, каб у новым годзе спраўдзілася нават самае маленькае, але запаветнае жаданне ў кожнага малога і падлетка. Бо ў гэтыя святочныя дні так проста стаць нечым чараўніком. Бо сапраўдны цуд для “Нашых дзяцей" ствараецца менавіта сваімі рукамі. Аляксей Волкаў наведаў самую цёплую акцыю года, якая аб'яднала ўсю краіну.
Кожнае дзіця і ёсць самы вялікі цуд у сусвеце. Цуд, які дарослыя, безумоўна, павінны захоўваць і засцерагаць. І святочны экспрэс акцыі "Нашы дзеці" наведаў яшчэ некалькі дзіцячых дамоў і каледж. Так, падарункі, навагодняя ёлка і песні - гэта ўсё выдатна, але вось, згадзіцеся, куды больш важна зрабіць дзяцей шчаслівымі і навучыць дабру, каб яны самі рабілі дабро. Бо ўсе дзеці Беларусі ды і свету плачуць і радуюцца на адной мове.
Дзіцячы смех, вочы, што свецяцца ад радасці, і ледзь адчувальнае пачуццё ўдзячнасці, калі не проста з вуснаў гучыць "дзякуй", а штосьці большае, калі спраўдзілася нават маленькая мара. Цэлая чарада карагодаў па ўсёй краіне захапіла і 15-гадовую Кацю Мышко - выхаванку Івянецкага дома-інтэрната. Дзяўчына са страшным дыягназам мірыцца не стала і выбрала шлях барацьбы з хваробай. І яна перамагае не толькі хваробу, але і са шпагай у руках. Усяго за год трэніровак у паралімпійскім відзе спорту - фехтаванні ў калясках - Каця дасягнула першага месца на рэспубліканскім чэмпіянаце ў сваёй катэгорыі. Зараз дзяўчына з Івянца ў складзе паралімпійскай моладзевай зборнай трэніруецца да чэмпіянату свету. І даказвае, што магчыма ўсё.
"Добрае сэрца" здольна на вялікія справы. І сёння каля паўсотні дзяцей з гэтага інтэрната забылі аб праблемах і сталі ў карагод. Нават тыя, каму няпроста стаяць на нагах.
Знаёмцеся - "Міс чароўнасць" Мінскага каледжа электронікі Люда Лунеўская. Дзяўчына выйграла гэты тытул у конкурсе прыгажосці і яе прамяністая ўсмешка не пакідае абыякавых.
Навучацца Людзе і іншым людзям з парушэннем слыху дапамагае спецыяльны цэнтр, створаны пры каледжы электронікі. Тут займаецца 69 навучэнцаў, усе яны пасля атрымаюць тэхнічную адукацыю.
Наступная станцыя добрых спраў - Гомельскі дзіцячы дом. Самым маленькім яго жыхарам ледзь споўнілася тры гады. Деці засталіся без апекі бацькоў, яны толькі робяць першыя ўсвядомленыя крокі, у тым ліку і да падарункаў, якія так прыемна атрымліваць і верыць у Дзеда Мароза, што там, за акном, знойдуцца тыя, хто абавязкова прыйдзе, абніме і забярэ цябе да цяпла сямейнага ачага.
Знайсці і стварыць утульны куток для дзяцінства - галоўная мэта акцыі "Нашы дзеці" сярод і тых, каму ў гэта свята складана. Гэта Рэспубліканскі навукова-практычны цэнтр дзіцячай анкалогіі. Амаль 200 дзяцей, многім няма і 10, тут знаходзяцца больш за год з-за хваробы. На жаль, не ўсе змаглі наведаць ранішнік, але падарункі атрымаў кожны малыш.
Антон Каратышэўскі праграміст. Яму 21 год, ён вучыцца ў тэхнічным каледжы і займае першыя месцы на міжнародных IT-конкурсах. Гэта зараз, а яшчэ пару гадоў таму яго прымусіла паверыць у сябе, у свае здольнасці менавіта пераднавагодняя зімовая казка "Нашых дзяцей".
У касцюме Снягуркі даволі знаёмая постаць. З падарункамі да дзяцей прыехала міністр працы Ірына Касцевіч.
Раней яна павіншавала і ветэранаў вайны. І ў цэлым спектаклі, песні, салодкія падарункі - сёння гэта кранальная і па-навагодняму цёплая карціна нагадвае вялікі ўтульны плед, які сагравае дзяцей. "Зімовая казка", "Баль у Папялушкі" - усё гэта дорыць любоў і радасць дзеткам.
Псіхолагі пераконваюць, што характар чалавека, яго асоба фарміруецца яшчэ ў раннім узросце. А той, хто не быў дзіцем, ніколі не стане дарослым. І ўсе гэтыя хлопчыкі і дзяўчынкі, якія дачакаліся цуду і паверылі не проста ў Дзеда Мароза, а людзей. Бо дабро заўсёды перамагае, яны будучыня Беларусі. У нашых сілах не толькі пад Новы год, але і кожны дзень рабіць так, каб нашы дзеці сталі абавязкова лепшымі за нас.
