Пашыраецца і навагодні карагод "нашых дзяцей". Свае жаданні напярэдадні свят загадалі і выхаванцы сталічнага сацыяльна-педагагічнага цэнтра з прытулкам Фрунзенскага раёна. Зімовыя святы ў агульным доме сустракаюць весела і з каларытам. Прафесійныя творчыя калектывы падрыхтавалі для дзяцей кругасветнае падарожжа з музычнымі і танцавальнымі акцэнтамі. Вядома, не абышлося без казачных герояў і салодкіх падарункаў.
У знак падзякі галоўным чараўнікам дзеці прадэманстравалі сваю творчасць - вершы і музычныя нумары.
Дарыць цяпло напрыканцы года - сардэчная традыцыя, якая стала брэндам краіны. Незалежна ад надвор’я і часу "нашых дзяцей" атуляюць бацькоўскім клопатам і натхняюць на новыя дасягненні.
