Свята, а разам з ім чараўніцтва і добры настрой прыходзяць у госці да дзяцей, якім трэба асаблівая ўвага. У Беларусі працягваецца дабрачынная акцыя "Нашы дзеці".
Сёння да выхаванцаў Рудзенскай дапаможнай школы-інтэрната прыехаў кіраўнік спраў Прэзідэнта Віктар Шэйман. Разам з ім у навагоднім свяце прынялі ўдзел і кіраўнікі Мінскай вобласці і Пухавіцкага раёна. Па традыцыі госці прыйшлі не з пустымі рукамі - старшакласнікі атрымалі ў падарунак гадзіннікі, а ўсе разам дзеці - вялікі тэлевізар і ласункі. Аднак, хутчэй за ўсё, найлепшым сюрпрызам для выхаванцаў стане паездка ў Белавежскую пушчу.