Акцыя "Мы - грамадзяне Беларусі" праходзіць ужо чатырнаццаты раз

13 Сакавіка 2017

Сёння свой першы ў жыцці пашпарт атрымалі выдатнікі вучобы і лепшыя спартсмены-школьнікі. Акцыя "Мы - грамадзяне Беларусі" сёлета праходзіць ужо чатырнаццаты раз.

Напярэдадні Дня Канстытуцыі юнакам і дзяўчатам уручаюць галоўны дакумент. Сёння з рук першага намесніка кіраўніка Адміністрацыі Прэзідэнта Максіма Рыжанкова ў Нацыянальным алімпійскім камітэце. Такі фармат - не проста афіцыйнае мерапрыемства для маладых людзей, а свята, якое запомніцца на ўсё жыццё.

Максім Рыжанкоў, першы намеснік кіраўніка Адміністрацыі Прэзідэнта Беларусі:

"Усё ідзе ад Канстытуцыі. Канстытуцыя - гэта самы галоўны закон нашай краіны, ад якога потым усё заканадаўства разыходзіцца ва ўсе тыя кірункі, якія рэгулююць усе адносіны ў нашым грамадстве. Таму, вядома, тое, што ёсць у нас такое свята, што ў нас ёсць Канстытуцыя, толькі гаворыць пра тое, што мы прававая дзяржава, што мы маем намер і далей развіваць як дэмакратычныя і грамадзянскія інстытуты, так і прымаць усе рашэнні на аснове права".

Сёлета Асноўнаму закону суверэннай Беларусі 15-га сакавіка споўніцца 23 гады.