Ужо распрацоўваецца праект новага аперацыйнага блока, дзе ўрачы змогуць аперыраваць яшчэ больш ювелірна і комплексна, а пацыент пасля такога ўмяшання будзе хутчэй аднаўляцца. Дзякуючы развіццю кардыялогіі смяротнасць ад хвароб сістэм кровазвароту з 2005 знізілася на 14,5 %. Толькі за мінулы год медыкі выканалі больш за 8,5 тысячы аперацый на сэрца і сасудах. З іх амаль 3 тысячы ў сталічным цэнтры "Кардыялогія". Акрамя таго, ужо з пачатку гэтага года праведзены тры дзясяткі трансплантацый. Пра сардэчныя тэхналогіі ў Сусветны дзень сэрца.
Расказвае Наталля Тарасюк. Стан сасудаў сэрца спецыялісты навукова-практычнага цэнтра "Кардыялогія" ацэняць максімум за гадзіну. Даследаванне пакажа ўсе звужэнні, якія потым ужо на аперацыі пашыраць з дапамогай стэнта.
Аднаўляцца пасля такіх аперацый яшчэ хутчэй пацыентам дазволіць гібрыдная кардыяхірургія. Ужо распрацоўваецца праект новага аперацыйнага блока. Урачы змогуць выконваць умяшанні з дапамогай праколу артэрый і вен і праз іх устанаўліваць стэнты, клапаны. Гэта інтэрвенцыйныя тэхналогіі. Па сутнасці, тры ў адным - кардыялогія, хірургія і рэнтгеналогія.
Неўзабаве цэнтры інтэрвенцыйнай кардыялогіі адкрыюцца ў Пінску і Оршы. На аперацыях медыкі змогуць выкарыстоўваць больш прылад беларускай вытворчасці. Штучныя клапаны сэрца практычна не імпартуюць. Іх робяць крыху больш за 20 спецыялістаў на сталічным заводзе "Электронмаш".
Іх вынікі бачныя на маніторы. Корпус клапана з тытану. Ён апрацоўваецца на фрэзерным станку, шліфуецца, гравіруецца, абшываецца.
Толькі за 2016 тут вырабілі 1500 механічных клапанаў для сэрца. Пацыенту выбіраюць самы прыдатны. Для гэтага існуюць 10 тыпаразмераў. Дыяметр - ад 17 да 33 мм. Каб змясціць і замацаваць механічны клапан, ёсць спецыяльная манжэта белага колеру.
Элементы, якія рэгулююць ток крыві, вырошчваюць з піравугляроду. На ўвесь клапан патрэбны 2 дні. Стэрылізуюць яго не толькі на заводзе.
У другім квартале 2018 года з'явіцца доследны ўзор - біялагічны клапан сэрца. Праект ужо прайшоў дзяржэкспертызу. На падыходзе і штучны жалудачак сэрца, які распрацоўваюць у цэнтры "Кардыялогія". Лабараторныя выпрабаванні ўжо завяршыліся.
Толькі за паўгода ў краіне выканалі больш за 8,5 тысячы аперацый на сэрцы і сасудах. 30 трансплантацый за 9 месяцаў. Высокія тэхналогіі даюць другі шанц на здароўе. Але паталогію лягчэй прадухіліць яшчэ на ўзроўні паліклінікі.
Кардыёлагі прызнаюцца, што пацыенты з сардэчнымі праблемамі ўсё маладзеюць. Часцей гэта мужчыны 40 гадоў, 30 і нават 20. У іх больш шкодных звычак, адмовіўшыся ад якіх можна добра сабе дапамагчы. Нагадаць пра гэта - задача Сусветнага дня сэрца.
