Актывісты БРСМ аддаюць даніну пашаны героям Перамогі

Моладзь сталіцы таксама аддае даніну пашаны героям Перамогі. Моладзевая эстафета памяці на працягу тыдня ахопіць усе раёны Мінска. Сёння актывісты БРСМ усклалі кветкі да мемарыяльнай дошкі Алега Кашавога на аднайменнай вуліцы, а таксама да помніка канспіратыўным кватэрам Мінскага антыфашысцкага падполля па вуліцы Аранжарэйнай. Падчас такіх мерапрыемстваў маладое пакаленне яшчэ больш глыбока асэнсоўвае важныя старонкі гісторыі і цану Вялікай Перамогі.

Беларускі рэспубліканскі саюз моладзі да 75-годдзя Перамогі запусціў у Telegram серыю тэматычных стыкераў. Таксама актывісты ўпрыгожылі свае афіцыйныя акаўнты ва ўсіх сацыяльных сетках святочнымі бутаньеркамі.