Сярод выпускнікоў і людзі ў пагонах, і спецыялісты цывільных прафесій. Усяго на навучанні знаходзіцца больш за 2 тысячы курсантаў.
Адзін дзень у школе міліцыі правёў і Аляксандр Савенка.
На гадзінніку 6:30. Часу на разварушванне няма, усё распісана па хвілінах. Што ўжо ўтойваць, адзін толькі статус курсанта Акадэміі МУС да многага абавязвае - адказнасць, парадак і павага да ўсяго, што ты робіш. Зарадка, ранішнія працэдуры, усё - развод па занятках.
Тактыка-агнявая падрыхтоўка, мабыць, адна з самых цікавых. Як правільна трымаць зброю, куды цэліць - практыкаванні вучаць не па кіношных баевіках. Тут ужо выкладчык - цар і бог. Курсанты ўважлівыя, на адзін баявы стрэл - 50 трэніровачных.
Вядома, праца ў камандзе. Выезд баявой групы на заданне. Хоць памяшканне, дзе засеў злачынец, і бутафорскае, але, як гаворыцца, цяжка ў вучэнні…
Зброя павінна быць працягам рукі. Значыць і ім час на трэніроўку. У дапамогу бой рукапашны. Кожны год як мінімум майстар спорту сыходзіць з гэтых татамі.
Дар'я Жгарова, дзяўчына з жалезнай хваткай, майстар спорту па вольнай барацьбе, школа з залатым медалём, прэзідэнцкі стыпендыят. Акадэмію выбрала невыпадкова. Надпіс Спецназ адабраюць не толькі бацькі, але і каханы чалавек.
Гэта дзесьці ў думках яны знаходзяцца ля акіяна. А так зручныя крэслы ў пакоі для псіхафізічнай разгрузкі. Менавіта такія ўмовы неабходны курсантам пасля цяжкага навучальнага дня, але… камусьці яшчэ і ў нарад заступаць.
Курсанты Акадэміі МУС непарыўна сумяшчаюць вучобу з практыкай. Удзел у рэальных міліцэйскіх затрыманнях, патруляванне на вуліцах - гэта тое, што неабходна для далейшай службы ў органах. Калі па дарозе вы сустракаеце гэтых маладых хлопцаў у форме, не здзіўляйцеся - яны ўсё яшчэ на вучобе. Усміхніцеся ім.
