Адміністрацыя Прэзідэнта Беларусі працягвае выязныя прыёмы ў рэгіёнах

Працу са зваротамі на пастаянным кантролі трымае Кіраўнік дзяржавы. На гэтым тыдні прыёмы пройдуць у Брэсцкай, Віцебскай, Гродзенскай, Мінскай абласцях і ў Мінску. Заўтра ў Глускім райвыканкаме з грамадзянамі сустрэнецца першы намеснік Кіраўніка Адміністрацыі Прэзідэнта Максім Рыжанкоў. А ў Расонскім райвыканкаме - памочнік Прэзідэнта - інспектар па Віцебскай вобласці Віталь Воўк. У гэты ж дзень памочнік Прэзідэнта - інспектар па Гродзенскай вобласці Іван Лаўрыновіч правядзе прамую тэлефонную лінію і сустрэнецца з грамадзянамі ў Ваўкавыскім райвыканкаме.

У сераду ў Аршанскім райвыканкаме з грамадзянамі сустрэнецца Кіраўнік Адміністрацыі Прэзідэнта Наталля Качанава. У Маладзечанскім райвыканкаме - прыём у начальніка Галоўнага ўпраўлення кадравай палітыкі Юрыя Крывашэева. На пытанні адкажа начальнік Упраўлення сацыяльнай палітыкі Наталля Красачка ў Дзятлаўскім райвыканкаме, а ў Адміністрацыі Партызанскага раёна Мінска прыём правядзе намеснік начальніка Галоўнага ўпраўлення Ірына Зоцікава. Прамую лінію і асабісты прыём у Веткаўскім райвыканкаме правядзе памочнік Прэзідэнта - інспектар па Гомельскай вобласці Юрый Шулейка. Памочнік Прэзідэнта - інспектар па Магілёўскай вобласці Міхаіл Русы - у Гарадзішчанскім сельсавеце Шклоўскага раёна.

Памочнік Прэзідэнта - інспектар па Брэсцкай вобласці Анатоль Маркевіч на пытанні грамадзян адкажа ў Пінскім райвыканкаме ў чацвер. Запісацца на прыём можна па тэлефонах аддзелаў па працы са зваротамі грамадзян адпаведных выканкамаў.