Абсалютны рэкорд за ўсю гісторыю ПВТ: экспарт перавысіў $2,7 млрд

12 марта 2021
Абсалютны рэкорд за ўсю гісторыю ПВТ. Экспарт  летась перавысіў 2,7 мільярда долараў, а агульны аб'ём вытворчасці склаў 7 мільярдаў  400 мільёнаў рублёў. Парк высокіх тэхналогій падвёў вынікі  працы за мінулы год.
 

Вынікі  чарговы раз паказалі,  што ПВТ - ключавы драйвер эканомікі Беларусі

Асноўныя спажыўцы IT-прадуктаў і паслуг рэзідэнтаў беларускага тэхналагічнага хаба - ЗША і краіны ЕС. Іх доля ад усяго экспарту па-ранейшаму займае каля 90 %. У першую пяцёрку краін-партнёраў уваходзяць ЗША, Кіпр, Вялікабрытанія, Ірландыя і Расія. 

У 2020 годзе ў ПВТ прыбыло 236 новых рэзідэнтаў, сёлета ў сакавіку  яшчэ 65

Нягледзячы на песімістычныя прагнозы нядобразычліўцаў, у 2020 годзе ў ПВТ прыбыло 236 новых рэзідэнтаў,  сёлета ў сакавіку яшчэ 65. Сёння  Парк высокіх тэхналогій аб'ядноўвае 1 021  кампанію. Поўнае інтэрв'ю з кіраўніком ПВТ глядзіце ў гэтую нядзелю ў "Галоўным эфіры".