Беларусь у найбліжэйшыя гады будуць "спрабаваць на зуб", трэба быць гатовымі адказаць на гэта. Такое меркаванне выказаў Прэзідэнт на ўрачыстым прыёме на стары Новы год.
Гэта традыцыйнае мерапрыемства, якое ў нефармальнай абстаноўцы збірае людзей са свету культуры і мастацтва, спартсменаў, дзяржслужачых, прадстаўнікоў беларускіх сродкаў масавай інфармацыі. Усіх тых, хто дасягнуў у сваёй сферы дзейнасці вялікіх поспехаў. Многія з прысутных у гэты дзень атрымліваюць заслужаныя ўзнагароды. Але самае каштоўнае, вядома, гэта магчымасць асабістых зносін з Кіраўніком дзяржавы. Якімі будуць для краіны найбліжэйшыя гады? Аляксандр Лукашэнка падзяліўся сваім прагнозам.
Тут жа адбылася і цырымонія ўручэння дзяржаўных узнагарод. Прэзідэнт уручыў ордэн Айчыны III ступені Міністру замежных спраў Беларусі Уладзіміру Макею і медаль Францыска Скарыны артысту Руслану Аляхно. Дыпломы аб прысваенні ганаровага звання заслужанага артыста Беларусі атрымалі спявачка Іскуі Абалян-Бароўская, актрыса Валерыя Арланава і артыстка балета Людміла Хітрова. А гімнастка Кацярына Галкіна зараз заслужаны майстар спорту. Падзякамі Прэзідэнта адзначаны некалькіх супрацоўнікаў сродкаў масавай інфармацыі, у тым ліку і наша калега - намеснік загадчыка аддзела аглядальнікаў палітычных навін галоўнай дырэкцыі АТН Наталля Голуб. Акрамя таго, падзяка Прэзідэнта ўручана генеральнаму прадзюсару генеральнага прадзюсарскага цэнтра НДТРК Глебу Шульману.
